因為工作利益關係，不能再說，現正式停刊

風雨欲來

由於私人事務繁忙，疏於更新網誌。

經過10個交易日，我相信HSI即將突破短期區間，其實以現價計，購入一些息高的優質股，放2、3年，應不會虧蝕，但還是想等多一等。

656復星一年內再度供股，而且供股的數目十分'零丁'，可以說對小股東極之不公平，這隻股票令我有戒心了，就算業績好，但如此不為小股東著想的公司，我還是避之則吉了。

近來沒有甚麼好股，唯有等朋友給tips

彈散

尋晚美股先升後回200點。日本尋日升1000點，今日都回了470。HSI經過2日急彈1600點，今日只回568點，其實已經不算多，收21562。

早左又day trade 小注了牛仔，幸運的，不用蝕錢。昨晚追正股的朋友，恐怕今日又蟹了。中車有猛人入股，升5%，收$9.67。希望揸左中車既朋友早日回家鄉。

雖然今日跌幾百點，短線上，我覺得HSi仲有得彈，策略上，仍然是day trade 牛仔為主。日線圖睇，守穩十天仲有得彈。HSI 連跌4個月，其實9月彈下都好正常。

升市買熊，跌市買牛

今日港股再次反彈，HSI 升872點，收22131。 昨晚和朋友食飯，告訴朋友，如果今日高開，絕對要入牛仔，因為不會是少升，是大升。果然，HSI高開350點左右後，一直向上衝，自己也入了牛仔。無奈中午要出門口走了，下午升幅擴大，再一次捉到鹿唔識脫角！


今日殺熊殺到22200，散戶的特徵是升市買熊，跌市買牛，最後輸到PK。因為個個都覺得自己係估神，可以捉到轉角位，而且捉到轉角位獲利甚豐，所以都鐘意咁買。我以前都鐘意咁買，然而，隨住股齡漸長，已經較少咁做。

形勢上，以今日成交額和大部分股都升的情況下，如果企穩20天之上，反彈會持續。可惜之後兩日都無時間買賣。

真反彈？

尋日就係覺得似見底，今日來個大反彈。最多升800點，收市升675點，收21259。心痛的是，上午買了牛，因為中午要岀外，放了牛，下午來個大暴升。

不是你財，不入你袋。如果聽日輕微高開，會再試入牛。今日升勢全面，可以話係隻隻升。

真破底？

HSI 今日先升後跌，開市後直衝。升200點以上，幸好自己不願冒險高追，因為只升了15分鐘，又向下行，收市倒跌257點，收20583，再創新52週新低。
，
技術上，HSI 破位向下，短線應該會繼續插。但今日俾我既感覺有d奇怪，沽壓不算好沉重，全日成交只有671億。然而，多隻銀行股。繼續創52週新低。今日又係做左day trade ，幸保不失。第一轉賺，第二轉被震走止蝕離場，拉均不用蝕，賺一餐茶也不錯。

想入的正股還是不肯跌，最想入的，今日甚至升.......。呢2日見大行、財演都話個市會繼續跌，有d甚至睇18000。我反而覺得，難道離底不完了？觀察多幾日再決定，暫時仲係day trade算，不過夜。

息魔

星期五，美國公佈就業數據和失業率，市場'聲稱'怕加息，道指跌272點，收16102。其實美股和高位比，只是回落了很少，似調整較多。我從雜誌閱讀到，除了希臘股市外，大陸和香港是第二、三位下跌最多的市場。

經過星期四假期，星期五港股高開200點，然而和對上一段時間的劇本一樣，高開低收，一直回軟，最多跌至20715，收20840，跌94點。國指甚至跌131點，收9169，再以52週低位收市。

近2星期，股份的升跌有明分別，部分關注股像守穩了，無再跌，甚至是回升了不少。反而是blue chips如5仔、內銀不斷尋底，屢創52週新低。

100% cash等待了很久，想入的不跌，跌的不想買。港股似是進入悶市情況，而且對消息不敏感。市場不恐慌不買，結果就是作旁觀者，每日小注即日鮮牛熊。

現時可以先搜尋一些派息穩定的優質股，等股災發生後入。