希臘之後

歐盟準備以ESM援助希臘，前提是希臘遵守各項條件。而家債權人個邊ok，等希臘自己係國內搞掂手尾。其實我唔係咁睇好，希臘遲下又會遊行抗議，然俊新的反對黨當選，推翻協議，無日無之。

港股和上證繼續向上，HSI剛好被10天線責住(大戶畫得好準的，唔好睇少，哈哈)。上證則企穩在10天線上面。HSI雖然連升3日，成交卻背馳減少，以低位計，很多股比低位彈了50至100%沽壓會漸見。

以1140為例，上星期三股災日低位見$0.66，今日收$1.79。低位反彈不止100%。1140今日有7200萬股在場外以$1.45易手，我查了查，應該是第三大股東。1140未公佈之前配股人，入左貨既可以等等先。

有朋友低位入了717、1520、713，見他們都獲利，恭喜他們。細價股和本地券商等已經反彈了很多，如果低位入貨的，先行獲利亦可。我覺得再上會見沉重沽壓，如沒有新的利好消息帶動，未必能衝破蟹貨區。

自己亦有作短期操作，開市時接近95%資金滿倉，但在收市前會減持部分，至少保持30% cash，提防不夠cash應付突發事件。從這兩星期可見，保留cash應付突發事件的重要性，戰友們，加油。