眾望所歸

財演、散戶，都唔聽好呢兩日個市，結果，一如大眾所料，今日個市繼續無運行，HSI以接近全日最低位26566收，跌295(1.1%)，一個月新低。值得留意的是，上證跌左175(3.57%)，報4887，落到20天線。係呢一年，大陸牛市一值向上衝，每次一落20天線，就會反彈，再試新高。究境聽日大陸會唔會反彈呢，加上明天政改表決？真係買定花生等睇戲。

從圖表上看，HSI好難避免回到26000左右。唯一慶幸的是，呢2日跌市，成交唔算好高，反映沽壓未算沉重。自己的關注list，有數十隻股，得6隻綠燈，反映今日跌勢頗全面。影響HSI的因素太多，我還是保持觀望算。

講返自己持股，548於今日沽出，有微利，已感萬幸。1019可謂失諸交臂，高開$1.2，然後衝高至$1.25。可惜升勢不能持續，最後跌$0.01(0.9%)，收$1.17。今日set左$1.23放，本身預算$1.23放，$1.1x買回。最後錯估形勢，不能在高位沽出，持貨收市。持貨到明天的風險頗高，唯一慶幸的是自己於$1.01買入，暫時離買入價還有距離。

望住1766，本有神車美譽，深受大陸和香港股民愛戴，然而，A股由高位39回落至21，H股由20跌至11。跌幅約50%，望上見人話神車變靈車，比喻可謂傳神。基建股暫時未見回勇，又係避之則吉。

經過多日大波幅的上落市，深切體會大跌市要有Cash，大升市要有貨。不過市況未明，自己已將資金變為30%股票，70%cash。另外，打算投機性買入623，小注跟進。