夾淡

尋日提過，上證每次一落20天線，就會反彈，呢個情況係對上一年可謂十有八九。今日上證印證了此現象，先低後高，又彈返上去，升80(1.65%)，收4967。

而HSI被全世界睇死既情況下，今日又來個反高潮，升187(0.7%)收市，報26753。要留意全日沒有升穿尋日高位，所以，今日仍只能當係死貓彈。就算聽日再彈，應該都受制於10天線27018。除非HSI能連續幾日企係10天之上，否則仍然不樂觀。

今日關注list入面，升跌3:1。手上的1019逆市再跌$0.04(3.4%)，收$1.13。希望不用回試20天線。623終於回到10天線，喘定後我好大機會入市，投機性的小注買入。

另外717，早前向6名投資者配股15億，每股$1.5，承配人是民生銀行等大媽沙。對上9日漸漸形成平底，今早set了$1.13買，後來有事取消了買盤，全日低高位$1.12~$1.16，收報$1.14。現價比配股價有好大空間，值搏率仍高，明天再關注此股。

1766中車今日終於不用再做靈車，彈7.79%，收$11.9。留意到兩隻今年上市的大陸證券股，上市時超額認購多倍，大量散戶持有的6886、1776，今日雙雙於52週低位收市。呢2隻股，上市時備受關注看好，上市後的表現卻令人失望。個人覺得新股上市，往往升得最多的，係市場較少關注的。太多散戶持有的，卻較難大升。

最後分享下一隻過山車，1076，今日開市$3.7，先跌至$3.43，然後衝上$4.3，收市$3.63。真係來回地獄又折返人間。高低位超過15%。