沉底

港股今日收23474點，跌339點(1.4%)點，上證則報3748點，跌245點(6.1%)。

HSI距離8年上升軌的底部，只有數百點的差距，如果跌穿7月初的高位，基本是破壞了月線大型上升軌，而且已經連續4個月向下。

正如上星期六所言，跌穿橫行區後，HSI形勢更趨惡劣，而且比急跌更差的是，每日逐少的陰跌。咁樣跌法，難以反彈！除非有重大利好消息出現，暫時實在難言樂觀。

圖表形勢如斯惡劣，坊間的大師財演竟然由上星期開始不停唱好股市，話已經見底。誠然，我的朋友們都是有獨立思考能力的人，不會聽信片面之言，但賣菜的英姑、湊細路的梁師奶，仲有退左休既陳伯，係好易受呢d財演影響！見到呢d人咁害人，實在很勞氣。更甚的是，不停推介創業版的高風險股份，一日跌幾十%，證監係唔係應該查下有無利益關係呢？

今日將手上的1140、6116盡數沽出，唔使輸已經萬幸。1140圖表比HSI靚好多，只係現在人心虛怯，還是等大跌一下後再補回。如能回落到10天線，$1.98附近會購回。

見到2333開市初段還能保持升勢，似能見底，結果下午還是要跟隨大市回落，再創52週新低，實在可惜。一代股王由$60跌到今日收市$21.45，只需4個月時間，令人唏噓。

開市錯過入熊後，全日不敢買貨，只能一直睇住個市向下落。高偉電子1415，半年純利增長1.7倍，股價卻要跌12%，收$4.07。原因為何？我假設公司下半年盈利和上半年相同，以此計算市盈率，竟達60倍，公司合理的股價應該是$1左右，即係應該仲有排跌！

盡量保留現金，靜候機會。