繼續向下

先講一講自己都幾失敗，尋日講完1415仲有得插，今日先跌，但尾市最後30分鐘衝上黎倒升。而另一業績對辦既698，更加係升10%。

HSI只有6隻唔使跌，再跌300點，收報23167，已經比7月初股災日收市位更低。已經嚴重超賣，但超賣後繼續超賣。

經過7月初幾日大跌，恐慌性拋售，然後翌日大反彈。大部分股民不肯輕易沽貨，沒有一日大跌10%、15%，卻每日下跌5%，形勢更加惡劣。記得7月初大跌市時，我去左旅行，晚上見到每隻股日日跌10%以上，但反彈時卻強而有力，1日可彈20~30%。而家陰乾式下跌，實在慘不忍賭。

只要再跌多500點，持續係22800點以下水平收市，基本可判定上升軌已完，轉為下跌浪。自己今日係午市後，見上證大反彈，小注入牛搏反彈，結果是慘蝕收場，哈哈。

看來只有利好政策出台，才能扭轉港股劣勢。