春江鴨

睇新聞，希臘同債權人好似談判失敗，不過，市場好似已經免疫了希臘的病情，就算希臘最終脫歐，對市場的影響也有限。

今日好想講下春江鴨，一般春江鴨係收到風，有利好消息，然後偷步買入，然後待消息公佈後，股價抽升，可以高位獲利。

上星期五，122鱷魚恤大成交抽升，懷疑是春江鴨所為，收市後，公佈賣盤情況。出乎意料的，竟然是宣佈賣盤告吹。星期一裂口低開$1.31(30%)，最低$1.11，星期五的收市位為$1.85。無論是春江鴨，定係跟春江鴨買入的股民，可謂損失慘重。

總結一下，上星期四買入的1019、548。今日收市價分別為$1.18、$6.66。與上星期四買入價比，略有微利。

HSI 收報26861，跌418(1.53%)；上證則跌103(2%)。今個星期重頭戲政改和美國議息，睇黎HSI都係要睇呢2個結果走。都係個句，唔識睇，避之則吉。

經過上星期至今日既觀察，加強了1019的信心，暫時都係唔放住。 至於原因，唔係到發表，費時累到讀者啦~

另外，正在搵位入2隻細股，希望搵到個午餐。