玩完政改

擾攘多時的政改風波，終於完結，呢到都係講股，唔講政治，我就不在此講政改了。

隨著政改、美國議息完結，短期對香港股市的不利因素只餘下希臘債務和南韓疫情。

相信市場對希臘談判已經無甚期望，現價已經反映了較壞的情況，唯一考慮是淡友會唔會乘機質一質港股。

HSI收報26694，收市微跌59(0.22%)。上證將昨日的升幅完全消化掉，跌182(3.67%)，收4785。手上的1019收$1.1，跌$0.03(2.7%)，就快跌返買入價。可能白忙一場，哈哈。10天線在$1.07，希望唔使落去啦~ ；股價連跌3日，唯一值得安慰的是成交減少咁跌，沽壓唔算沉重。

有朋友唔like買細價股，覺得風險比大價股高。對此，我有另外的睇法。今日探討一下一隻大型汽車股，2333。2333於高位$60回落至今日收市$38，跌幅達37%。回調幅度比不少細價股還要大，可見大價股風險不一定比細價股低。2333的RSI已經跌至超賣區，如果明天有空睇盤路，現價入一注搏反彈，止蝕就定$35。

623今日係20天見到支持，但翻查HKEX，鄧普頓不斷減持，無謂去搏，都係唔入了。6886和1776兩隻內地券商再創新低新市。短期內，內地券商缺乏炒作空間，無貨既朋友，都係等下先。如果真係想炒券商，寧願買入本地券商，相信值搏率更高。

今日無入市，仍然保持足夠cash，準備低位增持。
另外，有感而發，認識到好朋友，比股市上贏錢，得到的歡樂更大。